Um áhrif æfinga í vatni

​
Þjálfun í vatni er skilgreind sem hreyfing í vatni sem viðheldur og bætir líkamlegt og andlegt þrek. Almenn hreysti felst í fimm mikilvægum þáttum:

• Þoli hjarta- og æðakerfisins - vöðvastyrk - vöðvaþoli - liðleika  - líkamssamsetningu.

• Æfingar í vatni fela í sér alla þessa þætti og regluleg hreyfing eflir lífskraftinn og eykur gæði daglegs lífs.

• Þá eru kostir hreyfingar í vatni ennfremur þeir að með því að draga úr áhrifum þyngdaraflsins minnka verkir og álag á liðamót og er því kjörið fyrir fólk með stoðkerfisálag að æfa í vatni.

• Vatnið gerir einnig fært að einstaklingsmiða álagið, því að hægt er að nota vatnið til stuðnings hreyfingunni eða til að mynda mótstöðu.

• Þjálfunin byggist á hreyfistjórn og jafnvægis- og styrktaræfingum.